ԲԱՐԻ ԳԱԼՈՒՍՏ ՍՈՍԻ ԽԱՆԻԿՅԱՆ ՀԻՄՆԱԴՐԱՄ

Լո՜ւռ լողում է իմ երազը անիրակա՛ն,

Ու ձուլվում է կապույտներին անապակա՛ն..

r63-2015825951062045150497119187564212137966170n-16305200011624.jpg

Մեր նպատակը

Նոր տաղանդի հայտնաբերման, առողջ սերնդափոխության, մշակութային և կրթական նախաձեռնությունների աջակցության առաքելությամբ ստեղծված մեր հիմնադրամը նպատակ ունի խթանել ստեղծագործելու ազատության ապահովումը երիտասարդների համար։ Հիմնադրամը նախաձեռնելու է և զորավիգ է լինելու նոր գրական ստեղծագործությունների, ֆիլմերի, տեսահոլովակների, երգերի ստեղծմանը և այլ կրթամշակութային ծրագրերի իրականացմանը:

ՆՎԻՐԱԲԵՐԵԼ

Սոսիի երազանքի համար․․․

Սոսին, մեր անուշիկ Սոսին երազում էր ազատ, հզոր Հայաստանի մասին՝ ուսյալ ու ստեղծարար հայի երկրի, որտեղ արդարությունն ու ճշմարտությունն այլընտրանք չունեն, որտեղ ազգային արժեքներն ու միասնականությունը վեր են ամեն ինչից։ Սոսիի աշխատանքի հիմքում հայ մշակույթի ու էության բացահայտումն էր՝ ինքնաճանաչում՝ սեփական «ես»-ի խորքային ընկալմամբ։ Նա ուսումնասիրում ու վավերագրական ֆիլմերի, հոդվածաշարերի տեսքով ներկայացնում էր հայ մեծերի կյանքն ու գաղափարները, աշխարհասփյուռ հայության պատմությունները, Երևանի անցյալն ու ներկան, նա երգեր էր ձոնում Արցախին ու ազատության իր երազին․․․

Մենք հավատում ենք, որ Սոսիի երազանքն ապրելու և իրականանալու է, նրա ստեղծարար միտքն ու ոգին օրինակ են լինելու շատերի համար, և հիմնադրամի միջոցով մենք նպատակ ունենք նպաստել երիտասարդ հայ տաղանդի համար հնարավորությունների ստեղծմանն ու աջակցություն տրամադրել կրթական և մշակութային ծրագրեր իրականացնելու համար։